LOGOTIPE
Assalom-u alaykum, Mehmon!
Soat: 16:05
KirishA'zo bo'lish
Shomurodovning goli «Rostov»ga g'alaba keltirdi (video)
QO'SHDI: ELBEK
13 AVGUST, 21:07 / KO'RILDI 51

Rossiya chempionatining 5-turi doirasida so'nggi o'yin bo'lib o'tdi. «Rostov» o'z maydonida «Krilya Sovetov»ni qabul qildi. Bahsning 13-daqiqasida mezbonlar hisobni ochishlari mumkin edi. Shomurodovning uzatmasidan keyin Ionov 15 metrlardan zarba berdi. Samaraliklar posboni to'pni qiyinchilik bilan maydon tashqarisiga chiqarib yubordi.Uchrashuvning 33-daqiqasida esa hisob ochildi. Ionov jamoadoshi bilan "devor" o'ynab, chap tomondan jarima maydonchasiga kirib bordi va darvoza maydoni atrofiga uzatma berdi. Eldor Shomurodov esa to'pni darvozaga burib qo'ydi. To'p ustunga tegib, to'rga borib tushdi. Ikkinchi bo'lim esa asosan maydon markazidagi kurashlar ostida kechdi. O'yinga qo'shib berilgan daqiqalarda "Rostov" darvozaboni Sergey Pesyakov jarimadan yo'llangan xavfli zarbani qaytarib, jamoasining g'alabasiga o'z hissasini qo'shdi.O'zbekistonlik futbolchi mazkur o'yinda boshlang'ich tarkibda tushib, hakamning final hushtagi yangragunga qadar maydonda harakat qildi. Shomurodovning ushbu mavsumdagi gollari soni 4taga etdi. U Artyom Dzyuba ("Zenit") va  Aleksandr Sobolev ("Krilya Sovetov") bilan birga to'purarlar ro'yxatini boshqarmoqda. Mazkur g'alabadan keyin "Rostov" o'z ochkolarini 11taga etkazib, jadvalda 2-o'ringa ko'tarilib oldi.Rossiya premer-ligasi, 5-turRostov – Krilya Sovetov 1:0 (1:0)Gol: 1:0 – 33 Eldor Shomurodov. Rostov – Pesyakov, Kozlov, Chistyakov, Sigurdsson, Chernov (Dolgov, 90), Eremenko, Ionov (Glebov, 73), Bayramyan (Zuev, 55), Popov, Normann, Shomurodov.Krilya Sovetov – Riijikov, Karpov, Chernov, Anyukov (Zinkovskiy, 70), Kombarov, Gatskan, Timofeev, Kabutov, Giinsar (Radonich, 73), Kanunnikov, Sobolev (Golenkov, 87).Ogohlantirishlar: Chistyakov (63), Kozlov (64), Pesyakov (88).

Fikrlar
Hozircha hech kim izoh qoldirmagan.
Mashhurlar iqtiboslari
"Nima qilasan Ferrarini sotib olib, agarda uni Fiat kabi haydasang?"
(c) Zlatan Ibragimovich, futbolchi.
Bosh sahifa
Online: 0 / 15
© UZDERBI.NET, 2019™