LOGOTIPE
Assalom-u alaykum, Mehmon!
Soat: 15:08
KirishA'zo bo'lish
JCh-2022 saralash. 2-turdan keyin barcha guruhlardagi vaziyat
ELBEK
11 SENTYABR, 13:50 -  51
Kechagi o'yinlarning e'tiborga molik jihati, qur'a jarayonida birinchi savatchadan joy olgan kuchli jamoalarning kurashga qo'shilgani bo'ldi. Jahon chempionatiga borishga asosiy da'vogarlardan Xitoy, Avstraliya, Eron, Yaponiya, BAA va Janubiy Koreya ilk turni g'alaba bilan boshlagan bo'lsa, Saudiya Arabistoni durang qayd etdi. Shuningdek, Qatarning o'z maydonida Hindistonni enga olmagani ham kutilmagan natija bo'ldi. "A" guruhiGuam – Filippin 1:4 Maldiv – Xitoy 0:5 Guruhdagi har ikki uchrashuvda yirik hisob qayd etildi. Xitoy Maldiv uyiga safar uyushtirib 5:0 hisobida zafar quchgan bo'lsa, Filippin Guamdan 4:1 hisobida ustun keldi. Darvoqe xitoyliklar safida Elkeson o'z hisobiga ikkita gol yozib qo'ydi. Xitoy birinchi urinishdayoq guruh peshqadamiga aylanib oldi.Keyingi uchrashuvlar:10 oktyabr. Xitoy - Guam; Suriya - Maldiv  "B" guruhiXitoy Taypeyi – Nepal 0:2 Quvayt – Avstraliya 0:3 Avstraliya Quvaytga hech qanday imkoniyatni qoldirmadi va 3:0 hisobida zafar quchdi. Uchrashuvda Mettyu Leki dublga erishdi. Quvaytda kechgan bahsni stadionda 12 mingga yaqin tomoshabin kuzatib bordi. Guruhdagi ikkinchi o'yinda Nepal Xitoy Taypeyidan ustun keldi.Keyingi uchrashuvlar:10 oktyabr. Avstraliya - Nepal; Iordaniya - Quvayt   "C" guruhiKambodja – Bahrayn 0:1Gonkong – Eron 0:2 Eron terma jamoasiga Sardor Azmun va Karim Ansarifad tomonidan kiritilgan gollar Gonkong ustidan 2:0 hisobidagi g'alabani taqdim etdi. Kambodja maydoniga safar qilgan Bahrayn esa 1:0 hisobidagi g'alaba bilan qaytdi. Qizig'i shundaki, Kambodjadagi "Olimpik" stadionida kechgan bahsni 45 ming tomoshabin kuzatib bordi. Keyingi uchrashuvlar:10 oktyabr. Eron - Kambodja; Iroq - Gonkong"D" guruhiSingapur – Falastin 2:1 Yaman - Saudiya Arabistoni 2:2  O'zbekiston terma jamoasi joy olgan guruhda ham vaziyat qizg'in tus olmoqda. 1-turda bizni yutgan Falastin navbatdagi uchrashuvda imkoniyatni boy berib qo'ydi. Guruhdagi eng kuchli raqib sifatida qaralayotgan Saudiya Arabistoni esa Yaman bilan durang o'ynadi. Keyingi turni milliy terma jamoamiz Toshkentda Yamanga qarshi o'tkazadi. Keyingi uchrashuvlar:10 oktyabr. Saudiya Arabistoni - Singapur; O'zbekiston - Yaman "E" guruhiAfg'oniston – Bangladesh 1:0 Qatar – Hindiston 0:0 1-turda Afg'onistonni 6:0 hisobida mag'lub etgan Qatar bu turda kutilmaganda Hindiston bilan 0:0 o'ynadi. To'g'ri, qatarliklar murabbiyi asosan ikkinchi tarkibni tushirdi, shunga qaramay amaldagi Osiyo chempionidan ko'pchilik g'alaba kutgandi. Fashad Nur tomonidan kiritilgan gol Afg'onistonga kichik g'alabani taqdim etdi.  Keyingi uchrashuvlar:10 oktyabr. Bangladesh - Qatar; Ummon - Afg'oniston"F" guruhiMo'g'uliston – Tojikiston 0:1Myanma – Yaponiya 0:2 Bu guruhda Tojikiston ketma-ket ikkinchi g'alabasini nishonlab, birinchi o'ringa ko'tarilib oldi. Usmon Toshev shogirdlari navbatdagi bahsni ham 1:0 hisobida yakunlashdi. Yaponiya esa safarda Myanmani mag'lub etdi. Myanmadagi stadionga 25 mingdan ziyod muxlis tashrif buyurdi. Keyingi uchrashuvlar:10 oktyabr. Yaponiya - Mo'g'uliston; Qirg'iziston - Myanma "G" guruhiIndoneziya – Tailand 0:3Malayziya – BAA 1:2 BAA saralash o'yinlarini qiyin g'alaba bilan boshladi. Malayziyalik futbolchilar 1-daqiqadayoq hisobni ochishdi, biroq taym tugashiga ikki daqiqa qolganida Ali Mabxut hisobni tenglashtirdi. Keyinchalik Ali Mabxut yana gol urib jamoasiga ilk uch ochkoni keltirdi. Indoneziya maydoniga safar uyushtirgan Tailand yirik 3:0 hisobidagi g'alabani tantana qildi. Keyingi uchrashuvlar:10 oktyabr. BAA - Indoneziya; Vetnam - Malayziya "H" guruhiTurkmaniston - Janubiy Koreya 0:2Shri Lanka – KXDR 0:1 Va nihoyat "H" guruhida ikkita koreys jamoasi g'alabaga erishdi. Janubiy Koreya safarda yon qo'shnimiz Turkmanistonni mag'lub etgan bo'lsa, shimolliklar Shri Lankani kichik hisobda mag'lub etib qaytishdi. Ashxobodda kechgan bahsni 26 ming tomoshabin stadionda kuzatib borgani ham e'tiborga molik. Keyingi uchrashuvlar:10 oktyabr. Janubiy Koreya - Shri Lanka; Livan - Turkmaniston Eng yaxshi ikkinchi o'rin egalari bo'yicha vaziyat qanday? Ma'lumki, mazkur saralash bosqichida Osiyodan 40ta davlat qatnashmoqda. Musobaqa reglamentiga ko'ra, har bir guruh g'oliblari (8ta) va eng yaxshi ko'rsatkich qayd etgan 4ta ikkinchi o'rin egalari (jami 12ta jamoa) keyingi bosqichga yo'l oladi. Dastlabki ikkita tur natijalaridan so'ng Suriya, Avstraliya, Eron va Yaponiya eng yaxshi ko'rsatkichga ega bo'lib turishibdi.

Manba: CA

Fikrlar
Hozircha hech kim izoh qoldirmagan.
Mashhurlar iqtiboslari
"Finaldagi golim qo'l bilan urilgandi? Bu Xudoning qo'li edi"
(c) Diego Maradona, Argentina terma jamoasining afsonaviy futbolchisi.
Bosh sahifa
Online: 0 / 17
© UZDERBI.NET, 2019™