logotip
Assalom-u alaykum, Mehmon!
Soat: 00:37
KirishA'zo bo'lish
"Navbahor": Ko'rikdagi barcha legionerlarga javob berildi
 23 Yanvar, 14:30  84
Xabaringiz bor, “Navbahor”da bir qator xorijlik futbolchilar ko'rikdan o'tishayotgandi.

Shuningdek, ular safiga 21 yanvar kuni misrlik hujumchi ham qo'shilgandi.

Yangi mavsumga tayyorgarlikni Toshkentda davom ettirayotgan “lochinlar” 22 yanvar kuni Qo'qonning “Qo'qon-1912” jamoasiga qarshi o'rtoqlik uchrashuvi o'tkazishdi. Qo'qonliklarning 1:0 hisobidagi g'alabasi bilan yakuniga etgan mazkur nazorat-sinov bahsida “Navbahor” ustozi Andrey Kanchelskis legionerlarni maydonga tushirib, yana bir marta ularni sinovdan o'tkazdi.

Ushbu o'rtoklik uchrashuvidan so'ng, Kanchelskis barcha xorijlik futbolchilarga javob berdi.

Demak, jamoa ko'rigida bo'lgan xorvatiyalik Vilim Posinkovich, rossiyalik Artyom Sherbak, turkmanistonlik Vaxit Orazsaxedov va misrlik Mustafo Afroto “Navbahor” qarorgohini tark etishdi.

“Navbahor” yangi mavsumda o'z oldiga yuksak maqsad qo'ymoqda. Albatta, buni amalga oshirish uchun tarkib kuchaytirilishi kerak.

Ammo legioner mahalliy futbolchidan kamida bir bosh ustun bo'lishi kerak. Shundagina uni tarkibga jalb etsa bo'ladi. O'rtamiyona xorijliklar singari futbolchilar esa o'zimizda ham etarlicha topiladi. Bizningcha, aynan ushbu omillarga ko'ra, ko'rikdagi legionerlarga javob berildi.

Namanganliklarning 25 yanvardan Turkiyada boshlanadigan o'quv-mashg'ulot yig'iniga esa bir qator top-legionerlarning qo'shilishlari kutilmoqda.



“Navbahor” PFK matbuot xizmati.

Fikrlar
Hozircha hech kim izoh qoldirmagan.
Mashhurlar iqtiboslari
"Finaldagi golim qo'l bilan urilgandi? Bu Xudoning qo'li edi"
(c) Diego Maradona, Argentina terma jamoasining afsonaviy futbolchisi.
Bosh sahifa
Online: 0 / 31